D.C. Haul Part 1 مشترياتي من امريكا (١)‎

As you guys know I came back yesterday from DC, i've been there for 20 days and this is why i bought makeup wise when i was there. i'm sorry i'm not going to post this in English too since it's too long. If you want to know a certain shade or color plz do ask.Thank you for understanding.

زي ما تعرفوا انا امس الفجر وصلت الرياض، و كل مره بعد ما ارجع من امريكا اكتب مشترياتي بالتفصيل. كنت في واشنطن و هادي التدوينه مخصصه لمشتريات الميك اب فقط. 

منتجات الوجه، ما اشتريت كتير لانو ادراجي مليانه منها و ما استخدمها بكثره. 

*برونزر مخبوز من ميلاني، اشتريته على اساس هايلايت درجه ٠٤

*بلش من نكس كتير البنات يحبوا في انستقرام و مره ما الاقي في السعوديه، درجه موكا

*هايلايت من ماركه وت اند وايلد من كولكشن المغنيه فيرقي، درجه روز شامبين قلو. اتزكر اني شفت كم وحده في يوتيوب يشبهو بهايلايت من ماك بس ما اعرف اسم الدرجه

كونسيلرات:

كونسيلر نارس، مره مره حلو و تحتاجي كميه قليله منه. استخدمته طول السفره و كان يقعد طول اليوم اكتر من ١٢ ساعه.

كونسيلر فت مي من ميبلين، كنت ادور درجتي في السعوديه و ما لقيتها. اخدت درجتين للصيف و الشتاء.

اهتمام بالبشره:

سمعت كتير عن ماركه فرست ايد بيوتي، انها مره كويسه للبشره و من جد تحسي بالفرق. اول شيء اخدت الغسول و التونر حقهم (دوائر قطن مبلله في علبه صغيره) بعدين لقيت الطقم حقهم يجي الغسول و التونر و المرطب. حابدأ استخدمهم من بكره ان شاء الله. 

اشياء تخص العيون غير الشادوات:

*ماسكارا من شانيل سمعت عنها مدح كتير اسمها لي ڤوليوم دي شانيل 

*قلم حواجب من انستازيا، مره منتشر في اليوتيوب و عند ماما جربته و مره عجبني اخدت درجه سوفت براون

*هايلايت للحواجب من انستازيا، جهه مات و جهه بلمعه. اخدت الدرجه البيج عندهم واحد تاني على زهري. اسمه براو دوالتي، درجه مات شل/ لايس شمر

*برايمر للعيون من نارز، يقولوا مره كويس للجفن الدهني اللي انا اعاني منه

*ماسكارا من لوريال اسمها لاش اوت بترفلاي فكرتها زي جوانح الفراشه تخلي الرموش طويله من برا و من جوا اقصر 

ايلاينرات، اكتر شيء احبه و استخدمه و دحين بدأت اتشعب فيه و اغير في الالوان:

*اي لاينر كات ڤون دي، انك لاينر درجه تروبر

*اي لاينر من كات ڤون دي من كولكشن الالوان، اخدت لون هكس

*اي لاينر سمعت عنه مدح كتير في يوتيوب من مايبلين اسمه ستيلاتو، للاسف دوبي انتبه اني جايبه درجه بني اسود مو اسود 

*اي لاينر جليتر من هارد كاندي، درجه دازل

*اي لاينر ازرق من نكس، درجه اكستريم بلو

*اي لاينر موڤ من نكس، درجه اكستريم بربل

*اي لاينر جليتر من نكس، درجه كريستل اكوا

اكحال، برضو كنت استخدم بس الاسود دحين بدأت اغير:

*كحل جليتر من هارد كاندي، درجه رويال هاينس (الجليتر مو مره باين لانه خفيف)

*كحل جليتر من هارد كاندي، درجه اوليڤ يو

*كحل من نارز سمعت انه ما يسيح و ينفع للجفن الدهني، درجه ڤيا ڤينيتو 

*كحل من ريميل دائما ادور عليه في السعوديه بس مخلص، سكاندال ايز اسود

شادوات :

*اخدت باليت لوراك برو الاول 

شادوات ميلاني الجديده:

الركن اليمين فوق: بيلا شامبين ١٦

الركن اليمين تحت: بيلا ساند ٠٢

الركن اليسار تحت: بيلا كافيه ٠٤

الركن اليسار فوق: بيلا توب ٠٥

مرررره حلوه اتمنيت اني اشتريت اكتر بس كانت مخلصه في كل مكان 

بيقمنت من نكس، ما عرفت اسوي لها سواتش لانها تطير في كل مكان. اليسار منك ڤيجن و اليمين رست

رموش:

*رموش من كروما بيوتي (خط الميك اب حق الكارداشيان بس موجود في التا) اسمها جلايز لاشز. خفيفه من الاطراف و كثيفه من النص

*رموش مفرقه بس كل ٣ مع بعض عشان تكون اسهل في التركيب. من كيس اخدت تدرجات القصيره. فيها مره قصيره و اطول شويا و اطول كمانا

*رموش من اي لور، مره مره خفيفه عشان تعطيكي كثافه طبيعيه و في نفس الوقت تكون رموشك مليانه. رقمها ٠٢٠

فرش الميك اب

اخدت ٣ فرش من الف، اول وحده ستبلنق برش صغيره، تاني وحده فرشه صغيره لدمج الكونسيلر، اخر وحده فرشه مستقيمه للاي لاينر

*فرشه من جابونسك رقم ١٤٠، مسوينها جهتين جهه شعر طبيعي عشان تحطي الشادو و الجهه التانيه شعر صناعي للدمج

*فرشه للدمج في كسره العين من سيفورا رقم ٧٣

*فرشه للدمج من سونيا كاشوك رقم ١١٦

*اسفنجه ريل تكنيك

*صابون البيوتي بلندر الصلب، اخدته عشان اغسل فيه كل فرش الميك اب مو بس البيوتي بلندر

*اسفنجه مخصصه للسلف تان، اذا كنتي تبغي تشيليه او في خطوط الوان في جسمك بعد ما حطيتيه. تجي ٢ في علبه وحده من سيفورا

 الارواج: 

نبدأ بالقلوسات:

*سماش بوكس ميني، درجه باوت (جا في ست ارواج)

*رڤلون كولور ستيي مويستر ستيين، درجه بارسين ٠٠٥

*قلوس ميني من نارز، درجه اورقازم (جا في ست ارواج)

*قلوس ستيين من ميلاني، درجه كريمي كافيه ٠٨

*قلوس ميني كريمي من بكسم، درجه وايت رشن اكتر درجه مشهوره عندهم (جا في ست ارواج)

*قلوس ميني من بكسم، درجه جنفر (جا في ست ارواج)

*قلوس ميني من مارك جاكوبز، درجه كيسابلتي (جا في ست ارواج)

الارواج:

*رڤلون كولور ستيي اوڤر تايم، درجه انلمتد ملبري المفروض يقعد ١٦ ساعه انا قعد معايا اتوقع اكتر الين ما مسحته و لسه كانت شفايفي مصبوغه. (للاسف دوبي انتبه اني ما سويت له سواتش)

*روج ملتد من تو فيسد، درجه ملتد بيري

*روج سائل من سيفورا اسمه لستر مات، فيه جليتر بس نفس الروج يصير مات. درجه فق لستر 

*روج من نكس برضو ما الاقي ابدا هنا، تي روز

*روج من ميلاني (قبل كدا كتبت عنهم مره احبهم) درجه برتي ناتشورال ٤٣

*روج من ميلاني درجه روز فيمي ٤٢

*ستيين من لوريال درجه دانسنق روز ١٠٤

*روج من لوراك، درجه سي اي او

*روج ميني من ايربان ديكاي، درجه نيكد (جا في ست ارواج) 

ارواج على شكل اقلام:

*روج من بوبي براون اسمه ارت ستيك، درجه روز براون

*روج من لوراك برو، درجه موڤ

*محدد من نكس، درجه بيكابو ناتشورال

*محدد من نكس، درجه ساند بنك

*روج من كروما بيوتي اسمه جوي ستيك، درجه لڤ هانق اوڤر. فيه شيمر ذهبي ما عجبني بس حاحاول استخدمه

*روج من بكسم، درجه او ناتشورال. همامسوينه زي الفاونديشن للشفايف عشان تحطي اللون فوقه و يبان بس انا عجبني لوحده.

*روج من اورقلاس، درجه ٦ (اغمق واحد، هيا كلها مره نود و فاتحه)

*روج ميني من بايت، درجه ميريتج (جا في ست ارواج)

*روج ميني من بكسم، درجه اكابلوكو (جا في ست ارواج)

المناكيرات:

*مقوي الاظافر من مڤالا

*مناكير فيه شمر بس مات من سيفورا اكس، درجه سنقلارتي

*مناكير فيه شمر بس مات من سيفورا اكس، درجه دسكڤري

*مناكير جليتر من سيفورا اكس، درجه استونشنق

*مناكير نيكول من او بي اي، درجه ميرميد فور ايش اذر

*مناكير من سالي هانسن يعطي نفس لمعه مناكير الجل، درجه قريي ماترز

*توب كوت من سش ڤيت، سمعه عنه مدح كتير في يوتيوب

*مناكير من ايسي، درجه فيجي

*مناكير سترايبر (ريشه رفيعه) من ال اي كولور اخدت اسود و ابيض

*لصقات اظافر من ماركه ميشيل تتغير مع نور الشمس 

عطورات:

بس اشتريت ٢ صغار بما اني ما احتاج، اخدت حقت ميري كيت اند اشلي منزلين اتنين وحده لليل و وحده للصباح. 

اااخر شيء استبدلت جزء من نقاطي في سيفورا اخدت كرتون في طقم للبشره و تنظيفها و كدا من اورجنز مقابل ٥٠٠ نقطه. و جمبه كرتون من اورقلاس في روج و لب قلوس و ٤ انواع برايمر و ماسكارا مقابل ٥٠٠ نقطه. شنطه صغيره فيها ١١ ديلوكس سامبل (يعني سامبل باحجام اكبر) اعطوني هيا عشاني ڤي اي بي روج. هديه يوم ميلادي روج و كحل و ماسكارا ميني من ميك اب فور ايڤر . و اخدت كمانا ستيين من ماركه سيفورا مقابل ١٠٠ نقطه. و المناكير اللي اتكلمت عنه اول لاني جددت اشتراكي ڤي اي بي روج للسنه التانيه. لسه باقي عندي ١١٤٥ نقطه ما عجبتني الهدايا كلها عندي. 

طبعا كل شيء موجود هنا حابدأ اسوي عنهم ريڤيو بس استخدمهم فتره كافيه. استنوا باقي المشتريات بكره او بعده...