أسئله شخصيه:
انا من جده بس عايشه في الرياض
كم مصروفك الشخصي؟ شهري و لا أسبوعي و لا يومي و لا كيف؟
مصروفي الشخصي يعتمد، يعني مثلا انا اصلا شهري. بس اذا مسافره في مصروف مفتوح غير عن الشهري.
ليش تتكلمي انجليزي؟
عشان انا طول عمري دارسه بالانجليزي من الروضه الى الثانوي و في الجامعه كمانا دراستي انجليزيه. تعبيري احسن بالانجليزي فاكتب اول انجليزي و بعدها اترجمه للعربي
ليش تسافري كتير؟
عشان اذا عندي المقدره ليش لا؟ الحمدلله ربي منعم علينا كل ما جاتنا الفرصه ماشاءالله سافرنا
ايش رجيمك؟
ما عندي رجيم، انا فقط اتبع اسلوب صحي في حياتي و حأتكم عنه في تدوينه خاصه
ايش روتينك الرياضي؟
ان شاء الله حاكتبه عن الروتين مع اكلي في تدوينه خاصه
أهلك يعرفوا عن اكاونتك؟
كلللل احد يعرف عن اكاونتي من اهلي و اهل اهلي و صاحباتي كل احد!
أسئله عامه:
ايش أفضل كوركتر ماك و لا ميك اب فور ايڤر و لا كريولان؟
ما جربت و لا واحد الصراحه
أفضل كريم أساس تغطيه فل و شكل طبيعي؟
أول شيء مافي شيء اسمه أفضل ممكن الأفضل عندي يكون الأسوأ لك. و انا ما أعرف نوع بشرتك، انا احب لوريال ترو ماتش (الأمريكي) بس تغطيته متوسطه الى كامله.
أفضل كريم أساس للبشره الجافه؟
نفس الشيء ما اقدر أقول أفضل. هوا أفضل بالنسبه ليا بس ممكن ما يناسبك. انا احب فت مي من مييبلين و حق مارك جيكوبز
أحسن كونتور؟
تو فيسد شوكولت سوليه برونزر، نفس الشيء ممكن ما يكون الاحسن لك بس الأحسن ليا
كيف استخدم البنانا باودر؟
أول شيء البنانا باودر هيا اسم الدرجه الصفراء في عندهم درجات عيرها ممكن البنانا ما تناسبك مو لازم تستخدمي نفس الدرجه اللي كل احد طايح فيها. خدي اللي يناسب لونك. الناس يستخدموها لتثبيت الاضاءه تحت العين
كيف استخدم الفكس بلس؟
ممكن تبخي على وجهك بعد الميك اب عشان اذا كان في بودره زايده يخلي شكلها طبيعي و يمتصها. ممكن تبخي على فرشة الشادو بعدين تحطي الفرشه في الشادو بعدين على الجفن عشان يصير اللون اقوى و يلمع اكتر و يثبت. و ممكن اذا اي لاينر جل نشف تبخيه عليه و بعدين تستخدمي
كيف ما اخلي رموشي تتلصق في بعض بعد المسكارا؟
احسن شيء تستخدمي مسكارا شويا ناشفه و لا تحطي طبقات وراء بعض خلي الرموش تنشف شويا بين الطبقات
محلات فساتين في امريكا؟
ساكس فيفث اڤنيو، نيمان ماركوس، نوردستروم، ميسيز و بوتيكات الأفراح موجوده في كل مكان و كل مدينه معروفه ببوتيكات مختلفه ما اقدر احصرها.
المواقع اللي تحبي تطلبي منها ملابس؟
سيروم كويس للشعر بعد الستييتنر موجود في السعوديه؟
للأسف ما عندي شيء من السعوديه
ايش أحسن شيء لتكثيف الشعر؟
ماسك حليب حوز الهند الطبيعي حطي مرتين بالأسبوع لمدة شهر ممكن و حتحسي بالفرق
أحسن فرش جربتيها؟
للوجه احب ريل تكنيكس، للعيون احب كوستال سنتس و الف و سونيا كاشوك و جابونيسك
أفضل ٣ منتجات للشعر؟
١- كريم جوز الهند من not your mothers ماركه امريكيه
٢- شامبو بانتين clarifying من امريكا
٣- ماسك لوريال توتال ريبير حق امريكا لانه حق السعوديه لا يقارن بحق امريكا
أي سؤال عندك اكتبيه تحت في الكومنتات و ان شاء الله اسوي تدوينه تانيه اجاوب عن كل شيء جديد
انا زيك في الانجليزي خخخ ما اعرف اعبر بالعربي عشان كدة اكتب انجليزي اول و اترجم و مرة اطفش لما اكتب عربي بس خخخ و حبيبتي ماسك حليب جوز الهند من فين اجيبو او كيف اسوي؟
ReplyDeleteفي حليب جوز الهند عضوي موجود في التميمي او اي سوبرماركت انا بس احطه عادي و اقعد كم ساعه و اغسله
Delete