Empties منتجات خلصتها ‎

منجات كتيره خلصتها الفتره اللي فاتت و اغلبها ما اكتب عنها في انستقرام. هادي ريڤيوات مختصره عنها اتمنى تفيدكم.

منتجات العناية بالبشره:

* مناديل تنظيف الوجه من نيتروجينا، مره احبها اجسن مناديل جربتها. رطبه و تمسح كل شيء بسهوله و تخلي الوجه رطب بعد التنظيف ما تنشفه زي بعض المناديل. فيها جهه تقشير للبشره و الجهه التانيه ملساء.

* مناديل نيڤيا لتنظيف الوجه، حلوه لا بأس بس لسه افضل حقت نيتروجينا

*بيوديرما، كلنا عارفينه احبه لتمسيح الميك اب او بس اضبط الايلاينر اذا احتجت

* مبيض اسنان، اتكلمت عنه زمان في انستقرام (اشتريه من امريكا)

* فرست ايد بيوتي، قطن فيه محلول لتنقية البشره و يعطيها نضاره مره احبها و ان شاء الله بس اسافر اشتري منها لانها مره نقت بشرتي حسيت بفرق كبير معاها

* سيروم من لوريال يوث كود، عجبني في البدايه بشرتي كلنت متجاوبه معاه بس ما وصلت نصه الا حسيت انه ما صار له داعي و بدأ ينشف بشرتي.

* غسول الحليب المعروف، حسيت بفرق معاه بشرتي صارت ابيض و انقى

منتجات الشعر:

* صبغة متنك بانك لون بربل هييز، هادي الصبغه الموف اللي شفتوها في انستقرام بافكر اشتريها تاني و ارجع اصبغ شعري لانها كويسه و تقعد فتره حلوه 

* لوريال اوليو ثيرابي ماسك معالج بالزيوت، مره حبيته بس اسافر حاشتري منه. يحافظ على اللون الصبغه، خالي من السلفايت، فيه زيوت مفيده للشعر و يخلي الشعر مره رطب و املس (من امريكا) 

* شامبو منقي من هيربل اسنسز، مره حلو ينظف الشعر بعمق احب اشتخدمه مره في الاسبوع و استخدم بعده ماسك او بلسم ثقيل

* شامبو منقي من بانتين، حبيته اكتر من هيربل اسنسز حسيت ينظف اكتر و نفس الشيء لازم بعده ماسك او بلسم لانه هادا النوع من الشامبو ينشف الشعر (من امريكا) 

* بلسم من اوسي، يحمي اللون و في نفس الوقت يعالج الشعر و يرطبه في ٣ دقائق مره احبه و احب العادي منه. (من امريكا)

منتجات الجسم:

* سكرب من باث اند بودي ووركس، سكرب قوي و مره حلو ينعم البشره و يرطبها. ريحته بالليمون و الرمان من كولكشن الصيف اللي فات بس مالقيت زيه عندنا (من امريكا) 

* صابون جسم من ڤكتوريا سيكرت، ريحته حلوه بس ما يرغي كتير و احسه ما ينظف كويس

* سكرب من لش اسمه دارك انجلز، المفروض فيه سكر محروق و فحم. ابدا ما عجبني، ما حسيت انه سكرب ابدا مافي اي نوع من التقشير. الفحم اللي فيه يترك خطوط سوداء على الجسم ما تروح مع المويا لازم تغسلي جسمك بعدها بالصابون. 

ميك اب:

*كونسيلر من ريميل اتكلمت عنه كتير في انستقرام، باختصار تغطيته حلوه، خفيف على البشره و سهل في الدمج

* ايلاينر من ريميل، برضه اتكلمت عنه كتير. فرشته مره نحيفه ما احسه ينفع للمبتدوين سواده حلو عيبه الوحيد ما ينشف مره بسرعه

* مسكارا من حوردانا، مره احبها تكثف و تطول ان شاء الله اسافر و اشتري منها (من امريكا)

* اي لاينر كات ڤون دي، كتبت عنه في انستقرام ما اتخلي عنه. احسن اي لاينر جربته عندي غيره ٢ عشان خايفه يخلص. (من امريكا)

* مسكارا ايڤ سان لوران اتكلمت عنها كتير، قطعوها من السوق بس دحين رجعوها بس ما اتوقع رجعت في اسواقنا لسه. تكثثثف و تطول مره جميله

عطور:

* عطر من ڤكتوريا سيكرت كان لمتد ادشن، بومب شيل سمر ادشن. مره حلو منعش للصيف زيحته على زهور و خفيف ينفع للصباح

*عطر من اسكادا، مره احبه ريحته خفيفه و على فواكه شويا مره غريب

* وال فلاور من باث اند بودي ووركس، وحده ريحتها ماهوقني تيك وود تقريبا ريحه رجاليه تنفع للشتاء و التانيه كاريبيان اسكييب ريحه على مانجا و شويا على جوز الهند مره استوائيه اذا ما تعرفوهم اتكلمت عن الوال فلاور بالتفصيل الممل.