انا صارلي فتره طويله البس نظاره، عندي انحراف و ضعف نظر. طبعا قررت اني اسوي العمليه و رحت لمركز العيون عند دكتور خالد طباره.
د.خالد معروف و كان في العيادات الملكيه و كان دكتور الملك فهد على ما اعتقد و صاحب بابا. يعني كنت مطمنه و ضامنه الدكتور. رحت سويت فحص عشان اعرف اذا عيوني تقبل العمليه في عيون ما تتقبل و ما ينفع تسوي لها ابدا -قبل ما اروح لطباره رحت مكان تاني عند دكتور صاحبتي سوت عنده و ما سووا فحص بس كانوا يبغوني ادفع و اقرر متى اسوي العمليه انتبهوا من هادي العيادات !! - سويت الفحص و الحمدلله عيوني كانت تقبل. و قالي حيسوي لي هيا و طبعا عادي تسويها اذا عندك انحراف. العمليه كانت جدا جدا سهله الحمدلله، اخدت تقريبا ١٠ دقائق من البدايه للنهايه. ما تحسي بشيء بس يحطوا لك قطره تخدير و يمسحوا حولين العسن مخدر موضعي. و يخلوكي تطالعي في نور احمر او اخضر. ما رح اقول تفاصيل العمليه بس ما رح تحسي في شيء و الدكتور الحمدلله كان جدا كويس هوا و الممرض يتكلموا معايا و يشغلوني. في نهايه العمليه يحطوا عدسات (زي عدسات النظر) عشان تحمي العيم من جوا. اول ما طلعت من العمليه كنت اشوف كويس بس شويا مغبش (مو واضح) و ما كنت حساسه للضوء. بعد ساعه يمكن او ساعتين بدأت اتحسس من الضوء و زاد التغبيش بس مافي وجع ابدا. كان لازم احط قطره كل ٦ ساعات. و اعطوني قطره تانيه اذا كان في شيء يوجعني استخدمها لانها مسكنه. تاني يوم كنت اشوف احسن شويا و حساسه للضوء شويا و طبعا رحت للدكتور مراجعه و كان كل شيء كويس الحمدلله يعني خرجت في الشمس بس لابسه نظاره شمسيه و في البيت كمان كنت لابستها (نظاره عاديه شمسيه مو شيء مره ثقيل) ثالث يوم بدأت عيني توجعني (الدكتور قالي ٣ يوم رح توجعك و تحسي فيها زي الغبار) و كان كلامه صح كانت تحرقني و تدمع بس استخدمت القطره المسكنه و ساعدتني. بعد اليوم التالث رحت للدكتور شال العدسات و اعطاني قطره مختلفه. و الحمدلله كنت اشوف كويس بس لسه مو مره واضح. الدكتور قالي الرؤيه ما حتكون ١٠٠٪ واضحه الا بعد ١٠ ايام الى اسبوعين. بس طبعا انا كنت اشوف كويس بس مو HD. و الحمدلله بعد ثالث يوم كل شيء كان كويس مافي حساسيه للضوء او وجع. الدكتور قال اني اقدر احط ميك اب بس انا ما حطيت غير بعد اسبوعين لاني كنت خايفه. و في شيء نسيت اقوله انو اول ٣ ايام ما ينفع تجي مويا على عيونك. يعني العمليه الحمدلله جدا سهله و تقنيتها جديده و متطوره. اتوقع كانت ب١٥ الف و تستاهل كل ريال يندفع لانو بعدها راحه من العدسات و تعبها. انا السبب الرئيسي اني سويتها عشان لمن اسافر امريكا ما اتعب في الطياره و ما احب اصحى كل يوم و احط عدساتي. انا كنت مستخيل اطلع من البيت بنظارتي. في كمانا شيء نسيته قبل العمليه ب٣ ايام ممنوع تلبسي عدسات. صارلي تقريبا ٤ شهور مسويتها و مرتاحه الحمدلله، انا سويتها في اجازه عشان اقعد في البيت و ارتاح ما احس تنفع في الدوام لانو حتى لو اعطوكي اجازه مرضيه لسه حتكوني تعبانه بعدها لانك ما حتشوفي كويس. اتمنى اني اكون افدت البنات اللي دائما يسألوني عن عمليتي.
أنا سويت الليزك قبل ٦ سنين تقريبا كانت جدا مختلفة اول ما سويت العملية خلاص سرت احس كانو غبار في عيني زي ما قلتي و زي الدبابيس و قعد تقريبا ٦ ساعات كدة فا اول ما رحت البيت نمت عشان مرة كان الم صحيت و كان احسن الحمدلله بس ما كنت اقدر اقعد في نور تاني يوم كنت لابسة نضارة شمسية الين حسيت انو عادي عيوني بس ما سرت اتحسس من النور بس الليزك قالي الدكتور لازم اقعد ١٠ ايام بدون مكياج في عيني و كان زواجي بعد اسبوع ههههه كانت مشكلة والله بس قالي في الاخير لا تحطي كحل او شي من جوة العين بس مرة و الحمدلله عدت بس للاسف دحين نظري رجع ضعف تاني :(
ReplyDeleteالحمد لله على السلامة طيب الحسن نظرك مستقر ما صار اي تغيير؟
ReplyDelete