التغييرات اللي سويتها في ٢٠١٥

انا عمري ما احب فكرة انه الوحده تغير من شخصيتها غير اذا كان للأحسن و لصالحها. انا عشان اسوي هادي التغييرات البسيطه اخدت معايا وقت طويل. كل ما كنتي تبغي التغيير يكون جذري خلي بشكل متدرج. 

No Social Media Saturday يوم السبت يوم الانقطاع عن وسائل التواصل الاجتماعي‎

I don't know if you noticed this but in the last couple of months i stopped posting on Saturdays. Why? coz I try not to use my phone on saturdays as much as possible. On this day I give my mind and eyes a break. I take a break from this electronic world. Why is it on a Saturday? Because it's the last day of the week, the day that I spend with my family, the day that I might study in. It's my day. 

انا ما ادري اذا لاحظتوا الفتره اللي فاتت ما صرت انزل صور في الويك اند و تحديدا يوم السبت. ليش؟ لاني صرت احاول اقلل استخدامي لجوالي قد ما اقدر. يوم السبت يكون يوم اريح فيه عقلي و عيوني و كل شيء. انقطع شويا عن العالم الالكتروني، اصفي ذهني. ليش يوم السبت تحديدا؟ لانه اخر يوم في الاسبوع. اليوم اللي ممكن ادرس فيه تجهيز للاسبوع الجديد، اليوم اللي اطلع فيه مع اهلي، اليوم اللي اعتبره لنفسي. 

Products Worth the Splurge منتجات تستاهل سعرها‎

Many of us want to try some high brands of make up but we're always afraid that it might not work for us and it might be a waste of money. Here are some of my favorite high end products that I would repurchase and splurge my money on again.

كتير مننا يبغى يجرب ماركات غاليه بس نخاف انها ما تضبط معانا و تدفع فيها اسعار عاليه على الفاضي. هادي المنتجات اللي انا احبها و ما عندي مانع ادفع فيها تاني. 

Winter Essentials أساسيات الشتاء

It's good to change your style every now and then, not just to follow the trends but to feel good about yourself. I love changing my style and switching it up every season.

كل موسم الواحد يغير ملابسه و ممكن حتى الميك اب، مو شيء لازم و مفروض بس حلو التغيير. انا عندي اشياء بسيطه 

احب اغيرها عشان احس بالحو و الموسم اكتر.

مشترياتي من أمريكا ٢٠١٥‎

هادي المره ما اشتريت كتير ما لقيت اشياء جديده عجبتني. ان شاء الله تعجبكم و طبعا كل شيء جديد حاكتب عنه ريڤيو بس اجربه

Empties منتجات خلصتها ‎

منجات كتيره خلصتها الفتره اللي فاتت و اغلبها ما اكتب عنها في انستقرام. هادي ريڤيوات مختصره عنها اتمنى تفيدكم.

ريڤيو عن الفوريو ميني لونا

ايش الميني لونا؟

لونا هيا جهاز صغير يستخدم نفس استخدام الفرشه لتنظيف الوجه يعني زي كليراسونيك بس متطور اكتر في نظري. حجمه صغير قد الكف و فيه بدال الفرشه 

اسنان سيليكون صغيره و كبيره عشان تقشر و تنظف الوجه. في شاحن يو اس بي يجي معاه و لمن تشحني وحده مره ممكن تستخدمي ٣٠٠ مره بعدين تفضى البطاريه. انا من وقت ما جاني ما شحنته و لا مره. 

فرش ريل تكنيكس الجديده تستحق سعرها و الكلام اللي طلع عنها؟

انا اشتريتهم من بوتس في لندن، اسعارها تتراوح بين ١٨-٢٥ جنيه استرليني = ١٠٨-١٥٠ ريال سعودي. انا اخدت ٣، اخدت فرشة البلش رقم ٣٠٠، فرشة الكونتور رقم ٣٠١، و فرشة الفاونديشن رقم ١٠١

London Beauty Haul مشترياتي من لندن

As you guys know I was in London the past 10 days on vacation. I picked up some new products and you requested a full haul so here it is...

زي ما تعرفوا كنت في لندن الاجازه اللي فاتت هادي الأشياء اللي اشتريتها من هناك

مفضلاتي ل٢٠١٤

زي ما كل احد يقول السنه طارت من جد ما حسينا فيها مع اني احسها شيء صار مره زمان بس لانها بسرعه اتوقع. حأتكلم عن ١٤ منتج ما اتخليت عنهم في ٢٠١٤ بالنسبه للميك اب و الشعر و الجسم.

١- فاونديشن مارك جيكوبز

من أحسن الفاوديشنات اللي جربتها، شكله طبيعي و يقعد فتره طويله و تغطيته ممتازه. اذا تبغوا تعرفوا عنه اكتر كتبت عنه في انستقرام

٢- كونسيلر ميبلين فت مي

مره جميل يندمج بسهوله ما ينشف الجلد تحت العيون، يقعد فتره طويله. برضو كتبت عنه في انستقرام

٣- بودرة من تارت سموث اوبريتر 

كتبت عنها في مفضلاتي قبل كدا، مره احبها لتحت العين عشان تمنع الكونسيلر من انه يخطط

٤- شيمر بريك من بوبي براون Sand Stone

هايلايت جميل بدون جليتر كبير بس شيمر يعطي لمعه حلوه للوجه و اللون هادا مره حلو بس اتوقع انه كان لمتد

٥- بلش من بوبي براون لون Pink Rose

بلش يعطي لون طبيعي للوجه و احسه ينفع لكل درجات البشره. كتبت عنه قبل كدا 

٦- شادوات انجلوت

كتير اتكلمت عنها و اقول قد ايش هيا احسن و ارخص و اكبر من شادوات ماك. سهله في الدمج و الوانها قويه و ارخص منها مافي !

٧- ايلاينر انك من كات ڤون دي

بعد ما استخدمته سحبت على كل الايلاينرات اللي عندي. مره يسهل الرسم و فرشته جميله ما ينشف زي باقي اقلام الايلاينر. و لونه قوي و ما يروح بسهوله. كتبت عنه قبل

٨- ماسكارا من اور قلاس

تعطي الكثافه و الطول المناسب. انا احس الكثافه اكتر من الطول و هادي تعطي كثافه مره مع طول متوسط و ما تفتت مع الوقت

٩- بودرة الحواجب من وت اند وايلد

بودره صارلي اكتر من سنه استخدمها استخدم الفاتح لبداية الحواجب و الغامق لبعد ركن الحاجب. و مرات استخدم الشمع اذا ابغى اثبته لفتره اطول. مره حلوه و تقعد فتره طويله و ما تطيح شعر الحواجب و تجي معاها فرشه صغيره و ملقاط صغير. كتبت عنها في بدايتي في انستقرام يعني الصوره مره بعيده 

١٠- ارواج ميلاني

احسن ارواج من الدرق ستور، الوانهم رهيبه و متنوعه. تبان من اول طبقه و ريحتها مره حلوه زي البطيخ و ما تنشف الشفايف و ما تروح بسهوله

١١- بخاخ ايربان ديكاي ستيي اول نايت

بخاخ مثبت للمكياج ابخه قبل و بعد المكياج عشان يثبت و يقعد طول الليل ! مره احبه للسفر و للمناسبات

١٢- كريم للشعر من نوت يور موثرز اسمه سموث موڤز

كريم يخلي الشعر ما ينشف بس تحطي منه شويا في يدك و توزعي على شعرك و هوا مبلول، مره فادني في السفر بالذات في الأماكن اللي فيها رطوبه ما صرت اتخلى عنه ابدا

١٣- مناكير من سيفورا اكس درجة SIngularity

مناكير مطفي بس فيه لمعه بسيطه مره غريب و لونه رمادي على بني مع لمعته على موڤ شويا مره احبه دائما احط منه و كل احد يعجبه. في صوره له على اظافري في انستقرام

١٤- عطر ڤيڤا لا جوسي نوار

من أحلى العطور اللي جربتها ريحته غريبه ما تنوصف الصراحه لازم تجربوها

كدا اكون خلصت كل شيء اتمنى انها تكون سنه حلوه علينا كلنا و تكون السنه الجايا احلى، احبكم