DC Haul Part 2مشترياتي من امريكا ( ٢) ‎

Sorry for the inconveniece again this post will be in Arabic only. Please don't hesitate asking about any details in the comments section.

 هادي التدوينه لمشتريات تخص الشعر و الجسم.

نبدأ بالاهتمام بالشعر (من اليسار لليمين)

*اتس اي تن - كتبت عنه ريڤيو زمان هوا زي البلسم لبعد الاستحمام مره احبه 

*ثري منت ميراكل - زي الالماسك لشعر بس ميزته انه في ٣ دقائق. كتبت عنه ريڤيو في تدوينه الاهتمام بشعري. و لقيته في عرض طبعا اخدته.

*ثري منت ميراكل بس للشعر المصبوغ - يقولوا انه يخلي لون الشعر يقعد ١٠ مرات اطول و ينعم الشعر بعد الصبغه. لسه ما جربته

*شامبو من بانتين مخصص للتنظيف العميق (كلاريفاينج) - تعرفوا اني انا اصبغ شعري الوان مختلفه و مرات احتاج شامبو يطلع اللون الباقي في شعري. و اصلا الشامبو اللي زي كدا مهم انك تغسلي شعرك مره في الاسبوع لانه ينظفه اكتر من الشامبو العادي.

*ماروكون اويل - زيت سمعت عنه مدح في اليوتيوب بس لسه ما جربته

*شامبو و ماسك من لوريال خالي من السولفييت و مدعم بالزيت - اخدته عشان ناويه اصبغ شعري و ابغى شيء يحمي اللون و ما يخربه

*دراي شامبو من هيربال اسنسز - استخدمته و انا في امريكا حسيت انو احسن من باتيست لانو لمن تبخي ما يسري طبقه بيضاء قريه زي حقت باتيست و حسيت انه يعطي ڤوليوم اكتر

الصبغات (من اليسار لليمين)

*تونر للشعر المسحوب لونه

*صبغه من ماركه راو لونها تركواز، درجه توستد تيل

*عده لسحب اللون من ماركه راو 

*صبغات شعر شبه دائمه من ماركه بنكي كولور، الدرجات: فلامنجو بنك - تركواز - بلو لاجون

منتجات الجسم (من اليسار لليمين)

*زبده الشايا البيضاء طبيعيه ١٠٠٪ 

*كريم بخاخ من ساينت ايڤز بريحه الجريب فروت، حسيته يرطب اكتر من بخاخ ڤازلين و ريحته مره خفيفه

*سكراب و غسول للجسم ٢ في ١ من بنك ڤكتوريا سيكرت، كان عندي زمان بس بريحه مختلفه مره احبه. احس سكراب اسبوعي كويس او لقبل التان.

*سكراب من باث اند بودي ووركس بريحه الليمون مع الرمان. من الكولكشن اللي راح حق الربيع اتوقع او الصيف.

منتجات النظافه:

*مناديل الوجه من نيتروجينا، دائما اشتريها هنا احسن مناديل جربتها بس لقيت عليها عرض هناك و اخدت ٢ منه.

*مبيض اسنان، هوا اساسا يجي علبه كامله فيها هادا الجل مع اشياء تانيه بس انا خلص الجل حقي اشتريت ٢ منه.

اشياء عشوائيه:

*قلڤزات لتنشيف الشعر، يقولوا انك تلبسيها و تمرريها في شعرك و حتخلي ينشف بشكل اسرع. لسه ما جربتها بس عجبتني الفكره

*شريطه او هيدباند للشعر عشان تبعده عن وجهي لمن اغسله. ميزتها انها عريضه يمديك تدخلي شعرك فيها اذا ما كان مربوط و تنفع للشعر الجاف او المبلول.

*حجر لكعوب الرجل