الموضوع مره سهل مافيه شيء، أنا صرت أستخدم صابون البيوتي بلندر اشتريته من سيفورا أمريكا. كنت زمان أستخدم شامبو بيبي جونسون كلهم كويسين بس أحس لحسن لو تحطي شويا زيت زيتون مع الشامبو عشان شعر الفرشه ما ينشف.
أبلل كل الفرش و بعدها احطها في الصابونه او الشامبو. بعدين احركها بشكل دائري على الحوض الين ما احس انه اغلب الميك اب خرج منها. بعدها اغسلها بمويا دافئه. و ارجع اعيد عليها بالصابون اذا احتاجت.
عشان تنشف و ترجع لشكلها الطبيعي أخليها على طرف الحوض. و الشعر على برا زي في الصوره. ما يحتاج تعلقيها او توقفيها أحسن شيء كدا لانها سهله و ترجع طبيعي.
**و انتي تنظفي الفرشه حاولي ما تجيبي المويا على جزء الحديد (المسكه) اذا دخلت المويا فيه ممكن تحلي الغراء يسيح شويا و بعدها ممكن تنفك يد الفرشه او يطيح الشعر.
شكرا مررا جت بوقتها
ReplyDelete