كتير بنات طلبوا مني اني اكتب عن طريقه الطلب من الانترنت، انا ما حاقدر اكتب الطريقه مفصله لانو مره ما يحتاج لها بس حاكتب النقاط المهمه و الرئيسيه.
اول شيء لازم تسويه انك تختاري اي شركه تبغي تكوني معاها، انا اخترت فداكس لاني مجربه ارامكس و دي اتش ال و الاثنبن يضيعوا الطلبات و يعطوها لناس غلط. هادي المشكله ما واجهتها مع فداكس. و طبعا لازم يكون عندك ڤيزا او ماستر كارد
١- سوي اشتراك مع فداكس
٢- تضغطي على الاشتراك و بعدها حتجيكي صفحه تختاري فيها نوعيه الاشتراك ذهبي او فضي الفرق الوحيد انو الذهبي يوصل للبيت و الفضي لا.
٣- تحطي معلوماتك (اسمك، بطاقه احوالك، عنوانك السعودي، رقمك...)
٤- تدفعي الاشتراك عبر الموقع
٥- حيوصلك ايميل بعد الدفع فيه عنوانك الامريكي الكامل.
٦- زي ما تشوفوا لمن تدخلي على اماونتك في الموقع يكون عندك (صندوق وارد، صندوق صادر، و شحناتي)
-صندوق الوارد هيا الاشياء اللي وصلتك و قاعده في بريدك، تقدري تدخلي عليها و تشحنيها. لمن تشحنيها حتشوفي انها انتقلت من الوارد للصادر تكون في طريقها للشحن. في شحناتي تلاقي الشحنات اللي تم شحنها للسعوديه.
٧- حيرسلوا لك ايميل و رساله نصيه فيها رقم الشحنه عشان تشوفي هيا فين وصلت تقدري تشوفيها عبر موقع فداكس الرسمي او انك تتصلي على فداكس.
٨- لمن توصل الشحنه حيتصلوا عليك
٩- طبعا لمن تطلبي من المواقع الامريكيه، تدفعي ببطاقتك و تحطي بريدك الامريكي الكامل.
كدا اكون انهيت النقاط المهمه و الاساسيه، اتمنى انكم فهمتوا عليا و اكون سهلت الطريقه عليكم.
هالشي ادوره من زمان شكرا��
ReplyDeleteالله يعطيك العافيه
ReplyDelete