هادي اظافر تتركب بالغراء، و ممكن تستخدميها اكتر من مره. جربتها و مره عجبتني، طريقتها سهله مره و ما يبغالها شيء اي احد ممكن يسويها.
العلبه الوحده تجي فيها ٢٤ ظفر و ١٢ مقاس يعني تنفع لكل انواع و اشكال الاظافر. و يجي معاها مبرد و غراء خاص فيها. بعض العلب فيها اكثر من ديزاين
للاظافر و بعضها تجي بس شكل واحد على حسب انت ايش تفضلي
انا بعض الاظافر كانت عريضه شويا على ظفري بردتها من تحت شويا و صارت مره كويسه. اذا تبغي شكها بطلع طبيعي اكتر قصي اظافرك قبل ما تحطيها.
طريقتي في وضعها: اتأكد من المقاسات قبل ما الصقها و بعد ما اتأكد من المقاسات ابدأ الصقهم. احط خط من الغراء على الاظافر حقت هدى بيوتي مو على الظفر الطبيعي و بعدين احطها على ظفري و اضغط شويا الين ما احس انه انمسك كويس. يمكن تحسي في البدايه انه في ضغط على الظفر بس تتعودي بعدين.
طريقتي في نزعها: احاول امرر ظفري تحت الظفر المركب من الجوانب الين ما احس انه الظفر ارتفع و فك و بعدها اشيله. (اذا ما فهمتوا عليا شوفوا ڤيديو هدى على يوتيوب) و بعدين امسح اظافري بالاسيتون عشان اشيل الغراء اللي باقي. الغراء ما يروح على طول لازم تمسحي اكتر من مره.
سيئاتها:
-انا استخدمتها لمده يومين و حسيت على نهايه اليوم التاني اظافري صارت توجعني و اضطريت اشيلها.
-ما طاحت او اتحركت طول المده اللي كنت حاطتها.
-واحد من الاظافر حطيت فيه غراء شويا زياده و هادا الشيء سبب انه جزء من ظفري الطبيعي انشال مع الغراء مع اني كنت اشيلها مره بشويش.
طريقتي في وضعها: اتأكد من المقاسات قبل ما الصقها و بعد ما اتأكد من المقاسات ابدأ الصقهم. احط خط من الغراء على الاظافر حقت هدى بيوتي مو على الظفر الطبيعي و بعدين احطها على ظفري و اضغط شويا الين ما احس انه انمسك كويس. يمكن تحسي في البدايه انه في ضغط على الظفر بس تتعودي بعدين.
طريقتي في نزعها: احاول امرر ظفري تحت الظفر المركب من الجوانب الين ما احس انه الظفر ارتفع و فك و بعدها اشيله. (اذا ما فهمتوا عليا شوفوا ڤيديو هدى على يوتيوب) و بعدين امسح اظافري بالاسيتون عشان اشيل الغراء اللي باقي. الغراء ما يروح على طول لازم تمسحي اكتر من مره.
سيئاتها:
-انا استخدمتها لمده يومين و حسيت على نهايه اليوم التاني اظافري صارت توجعني و اضطريت اشيلها.
-ما طاحت او اتحركت طول المده اللي كنت حاطتها.
-واحد من الاظافر حطيت فيه غراء شويا زياده و هادا الشيء سبب انه جزء من ظفري الطبيعي انشال مع الغراء مع اني كنت اشيلها مره بشويش.
ما اعرف بكم سعرها بس اتوقع انها في حدود ال٢٠٠ درهم احس السعر كويس بالنسبه انك ممكن تستخدميها لتقريبا ٥-٦ مرات مو متوفره في السعوديه انا جبتها من سيفورا دبي
No comments:
Post a Comment