منتجات خلصتها و رأيي فيها ‎

كتير اشياء دائما اوريكم اني اشتريتها و انسى اني اكتب عنها، بالذات المنتجات اللي تكون في حمامي و مو دائما قدامي عشان اتزكرها. عندي اشياء كتير خلصتها فقرررت اقسمها لكم جزء. 

١- شامبو الشعر 

خلصت ٣ بس في واحد رميته، اللي على اليمين هوا شامبو للتنظيف العميق استخدمه مره في الاسبوع لانه مره يتظف الشعر و ما يخلي فيه اي شيء حتى الزيوت الطبيعيه. الثاني من لوريال بس من امريكا مررره عجبني حسيت فرق في شعري انه ما يطيح زي اول و ما احس اني احتاج بلسم لمن استخدمه.

٢- ماسكات الشعر 

استخدم كثير اشياء و زي ما تشوفوا خلصت كتير. دائما احطها بعد ما اغسل شعري و امشطه كويس و اغطيه عبال ما اسوي سكراب لجسمي. اسماءهم من اليمين لليسار: 

هسان ون هنا (من لش)، فل ريبير من جون فريدا (بوتس)، ماكاديميا اويل (من نزيه بس انا جبته من امريكا)، ارجان ماجك اويل (من امريكا)، اوسي ٣ منت 

ميراكل (من امريكا) 

٣- منتجات الجسم 

-سكراب بالقريب فروت و الزنجبيل (ريحة الزنجبيل مو باينه) سكراب ملح مافيه اي شيء غير الملح يعني في بنات حيقولوا انه مره ثوي بس انا احس انه يقشر مضبوط خاصة قبل التان. من وايتس 

-غسول جسم من باث اند بودي ووركس كان اتوقع ريحه لفتره معينه لاني ما شفتها عندهم قريب. كانها انواع توت مخلوطه. مره احب الصابون حقهم لانه يعطي ريحه حلوه و رغوته كتيره.

-بلسم للجسم من نيڤيا للبشره الجافه، تحطيه على جسمك في الحمام بعد ما تغسلي جسمكو بعدها تشطفيه قبل ما تطلعي. ما حسيت له داعي ابدا جسمي كان لسه جاف. من السوبرماركت (الدانوب) 

-سكراب بالرغوه من سوب اند قلوري، ريحته حلوه و حبيباته شويا خفيفه ينفع للاستخدام اليومي. رغوته مو مره كتيره. من بوتس 

٤- منتجات الوجه

-مناديل نيتروجينا لمسح الميك اب، مره عجبتني حسيتها رطبه على الوجه و تشيل كل شيء بسهوله. من التميمي

-سكراب ساينت ايڤز بالمشمش حسيته عادي مافي شيء مميز على قد المدح اللي يجيه

-سكراب من لش بملح البحر، مره احبه فيه اڤوكادو و ليمون يعطي اشراقه للوجه و في نفس الوقت يقشر.

٥- منتجات الشعر

-زيت الارجان الطبيعي استخدمه لاطراف شعري و مره حسيت التقصف صار قليل يمكن لاني صرت اهتم في شعري بس لسه له فايده يعني. كاتبه عنه ريڤيو كامل في انستجرام من سيفورا امريما.

-بخاخ لحمايه الشعر من الحراره، عادي ما يفرق اذا خلص من عندي لانو عندي اشياء غيره بس ريحته تعجبني، من بوتس. 

-بلسم بخاخ له ١٠ فوائد + كيراتين احطه بعد ما اغسل شعري، كاتبه ريڤيو عنه في انستجرام، من امريكا

٦- الميك اب

-ماسكارا ذا روكت من ميبلين 

-كحل ايڤ سان لوران ضد المويا بس لسه يسيح

-اي لاينر من ريميل مره احبه خلصت اكتر من واحد 

-رموش من اردل استخدمتهم اكتر من مره، شكلهم طبيعي بس تحسي بالفرق و مريحه

٧- فواحات باث اند بودي ووركس

خلصت ٢ وحده ريحه spring الربيع و وحده بالمانجا و الاناناس pineapple mango