انا اشتريتهم من بوتس في لندن، اسعارها تتراوح بين ١٨-٢٥ جنيه استرليني = ١٠٨-١٥٠ ريال سعودي. انا اخدت ٣، اخدت فرشة البلش رقم ٣٠٠، فرشة الكونتور رقم ٣٠١، و فرشة الفاونديشن رقم ١٠١
المظهر و الملمس:
شكلها جميل لها وزن حلو و طولها مو بزياده زي بعض الفرش. ملمسها ناعم بس في انعم منها، شعر الفرشه تحسي بزياده بلاستيكي انا ما عجبني بصراحه. ذكرتني بالفرش اللي تجي مع الالوان المائيه القديمه اللي ما تمسك اللون و المويا لانها بلاستيكيه.
فرشة البلش ٣٠٠
انا استخدمتها للهايلايت لانها تعتبر مره صغيره انها تكون فرشة البلش. انا دائما احط الهايلايت بيدي و اوزعه بالفرشه، للأسف لمن جيت اوزعه الفرشه بدأت تشيل من الفاونديشن (كنت حاطه الفاونديشن من فتره طويله قبلها يعني كان ثابت) زي ما تشوفوا في الصوره الفرشه صار فيها الفاونديشن حقي.
فرشة الكونتور ٣٠١
استخدمتها مع بودرة كونتور خفيفه و لونها كويس، حطيت مره شويا على الفرشه عشان اجرب و عشان انا اصلا احب الكونتور حقي خفيف. الفرشه مره اتعبت بودره لانه شعراتها كثيرين و مره جمب بعض. ضربتها على يدي عشان تخف و بعديها بدأت اسوي الكونتور. لسه كان في بودره كتير صار شكل الكونتور غامق لمن جيت ادمجه بنفس الفرشه صارت حفله في وجهي. لانه شعرها كثير و قريب من بعضه ما تنفع للدمج ابدا اضطريت امسح وجهي و ابدأ من جديد.
فرشة الفاونديشن ١٠١
نجي للطامه الكبرى، انا ما احب فرش الفاونديشن اللي تكون زي كدا بس قررت احد هادي لانو شكلها غريب و حسيتها تنفع لتوزيع الكونسيلر تحت العين. انا دائما احط الكونسيلر و اوزعه باسفنجه. حطيت الكونسيلر و بدأت اوزعه بالطبطبه بالفرشه. الفرشه اتشربت الكونسيلر و بدأت تسيب لي خطوط على شكل شعرها تحت عيني. يعني صار في طبقه خفيفه مره من الكونسيلر و خطوط بالطول تحت عيني. كان الشكل غريب مره و اول مره يصير لي كدا. طبعا كان لازم ارجع احط كونسيلر و اوزعه بطريقتي المعتاده لانو الفرشه كانت فاشله جدا.
ايش ايجابيات الفرش الجديده؟
اذا انتي تحبي تجمعي الأشياء لشكلها فأنا انصحك بيهم لانو شكلهم حلو بس غيره ما اتوقع تنفع للاستخدام. انا حأحاول الاقي لها طرق جديده استخدمها فيها لاني مره متندمه اني اشتريتها و دفعت فيها مبلغ ما تستاهله ابدا.
أول تجربة سلبية أقرأها عن هذه الفرش
ReplyDeleteأعجبني شرحك للسلبيات واضح
ألا تستطيعين إرجاعها؟
This comment has been removed by the author.
ReplyDelete